“Hamlet”klasikoaren bertsio berri bat, Antzerki Aroa 2014.Maiatzak 28, asteazkena

by | Mai 28, 2014 | Sailkatu gabea | 0 comments

Imagen del folleto Antzerki Aroa 2014.Hamlet klasikoaren bertsio berri bat izango da protagonista
Antzerki Aroa 2014 antzerki-zikloaren bigarren saioan.

Nafarroako Antzerki Eskolan Antzerki Aroa 2014 euskarazko antzerki-zikloaren
bigarren antzezlana izango da. Shakespeareren Hamlet klasikoaren bertsio bat
da, Artedrama, Le Petit Théatre de Pain eta Dejabu konpainiek ekoitzia eta
Xabier Mendigurenek idatzia. Emanaldia maiatzaren 28an izanen da,
asteazkenarekin, 20:30ean, 8 euroan, eta 5 euroan ikastetxeen
kasuan.

ANTZERKI AR0A 2014

Maiatzak 28, asteazkena
ARTEDRAMA, LE PTDP ETA DEJABU “Hamlet”
Aktoreak: Ander Lipus, Ainara Gurrutxaga, Manex Fuchs,
Maika Etxekopar, Iñaki Ziarrusta, Miren Tirapu, Urko Redondo.
Zuzendaria: Ximun Fuchs
LEKUA: NAFARROAKO ANTZERKI ESKOLA. S. Agustin kalea, 5
ORDUA: 20:30
SARRERA: 8 EUR (ikasle taldeak 5 EUR)(Nafarroako Antzerki Eskolarekin batera) 


Antzerki Aroa 2014 euskarazko antzerki-zikloaren barruan bi antzezlan taularatuko dituzte, Nafarroako An
tzerki Eskolan: Zer duzu Amy?, ‘Oh my God’ antzerki-taldearena, eta Hamlet, ‘Artedrama’, ‘Le Petit Théâtre de Pain’ y ‘Dejabu’ konpainien eskutik. Emanaldiak maiatzaren 14an eta 21ean izanen dira, asteazkenarekin, 20:30ean,
8 euroan, eta 5 euroan ikastetxeen kasuan. Lehen lanak, Leyre Ucha
aktorearen eskutik, jada gure artean ez den Amy Winehouse kantariaren
talentua eta ahotsa ekartzen ditu gogora. Bigarrena Shakespeareren
Hamlet klasikoaren interpretazioa da, Xabier Mendigurenek gaur egunera
hurbil antzean egokitua, non gure gizartearen ezaugarriak eta kezkak
islatzen baitira

Maiatzak 14, 20:30etan, Nafarroako Antzerki Eskolan
OH MY GOD! “Zer duzu, Amy?”

Dasyk edozein gauza egingo luke Amy Winehousen ahotsa eta talentua izateko. Haren heriotzaren berri izan duenean, maleta hartu eta badoa Londresera, Edgwareburyko kanposantura. Hilobi parean zera galdetzen dio: Amy, zergatik ez zinen zoriontsu? Sekulako ahotsa zenuen. Hemendik aurrera irrika, frustrazioa eta bizitzaren borrokaren inguruko obra garatuko da, puntu gazi-gozoak eta umorea ere uztartuz.
(“Zer duzu, Amy?”. Leire Uchak eta Natxo Gomesek sortutako lan honek Poltsiko Sorkuntzaren bigarren edizioa irabazi zuen, 2012an.)


Maiatzak 28, 20:30etan , Nafarroako Antzerki Eskolan.ARTEDRAMA, DEJABU, LE PETIT THÉÂTRE DE PAIN con  “Hamlet”.

Hamlet XXI. mendean eta Euskal Herrian. 
Hamlet, gaur eta hemen. 
Hamlet antzerkien antzerkia da. Garai bakoitzak bere irakurketa behartzen du. Argiki eta arintasunez, Shakespearek munduaren eromena marrazten du. Obraren ekintza politikan oinarritzen da : gezurra, jukutria, kalkulua, konplota, dirugosea, hitza hitz ala hitza jan.  Baina erabakia ez da ekintza, eta aizu dena ez da justizia noski… hor da hauzia.
“Errautsak” ikuskizunaren ondoren, Artedrama, Dejabu eta Le Petit Théâtre de Pain taldeek Shakespearen obra gureganatzen dugu, egungo gizartearen kezka, arazo eta ezaugarriekin. Xabier Mendigurenek adaptazioa izenpetzen du .
Hamlet, gurea..
468