Euskararen ginkana. Eta saria eramango bagenu?

Euskararen ginkana. Eta saria eramango bagenu?

by | Urt 10, 2021 | EUSKARAREN GINKANA, MINTZAKIDE

Lagun artean ondo pasatzeko eta euskaraz jolasteko aukera bikaina da eta, gainera,  3000 euro irabazteko aukera dugu, euskararen alde erabiltzeko. 

 

Zertan gastatuko zenituzkete 3000 euro euskararen alde? Pentsatuko dugu? 

 

Hemen dago azalduta nolakoa den Euskararen Ginkana eta nola eman izena. 

 

Eta saria eramango bagenu, zer? 

2021a modu dibertigarri eta positiboan (baina benetan positiboan) hasteko gogoz?  Ba lagun artean ondo pasatzeko eta euskararen alde erabiltzeko 3000€ irabazteko aukera duzue. Badator Euskararen Ginkana!

 Nortzuk parte hartu dezakete?

 Lagun koadrilak, Mintza    taldeak,  guraso  eta    ikasle  taldeak,    Mintzakoadrillak,  jai batzordeak, aisialdi  taldeak, euskaltegiko  lagunak, tokiko enpresak,  kirol taldeak, talde feministak, ekologistak…  ondo pasatzeko gogoz  zaudeten 4-6  lagun elkartu  eta osotu taldea!

4 aste, 4 proba, 4 sari

 Lau aste iraungo du  Euskararen Ginkanak:  otsailaren 3an hasi eta  martxoaren 3ra arte. Martxoaren 20an final handia jokatuko da.

Lau proba online

Hilabete horretan, astero proba bat egingo duzue, online ikusiko duzue zer egin behar den eta online bidaliko duzue proba eginda.

 Lau sari

puntu gehien dituzten lau taldeak martxoak 20ko final handira pasako dira. Talde finalista denek  eramango dute sari bana.  Sari potoloena 3000€koa da,  euskararen alde egin nahi duten asmo hori burutzeko mendi irteera bat euskaltegiko lagunekin, euskararen egun bat  antolatu   herrian,  Errigorako  saski pila bat  erosi eta eskolan banatu,  futbito txapelketa bat koadrilen artean…zenbat gauza egin daitezkeen!)

 Eman izena urtarrilak 11tik aurrera

Saria segurua da eta dibertsioa ziurra!

 Osatu 4-6   laguneko   taldea, sartu   www.euskararenginkana.eus   webgunean  eta eman izena!

BADATOR EUSKARAREN GINKANAREN 6. EDIZIOA. ANIMATU ETA PARTE HARTU!

BADATOR EUSKARAREN GINKANAREN 6. EDIZIOA. ANIMATU ETA PARTE HARTU!

by | Urt 16, 2019 | EUSKARAREN GINKANA, MINTZAKIDE

Euskarazko proiekturik duzue eskuartean? Euskararen aldeko proiektu bat bultzatu nahi duzue? 3000€ jokoan!

Munduko bioaniztasuna babesteko ekintzaile ekologisten lana eta ekintzak ezagunak ditugu baina munduko hizkuntza aniztasunak ere babesa behar duela barneratua al dugu? 

Hizkuntzen aldeko ekintzaileak behar ditugu, hizkuntza-ekologistak! Euskararen Ginkanaren 6. edizio honetan hizkuntza-ekologistak izateko hizkuntza praktika ekologikoak hartu ditugu gaitzat, berriz ere.

Gainditu beharreko probak eta galderak, hizkuntzen garapen jasangarrirako lagungarri gertatzen diren hiztun eta hizkuntza-komunitateen ekimen eta praktikei lotuak izango dira.

Euskararen Ginkanaren lehiaketako probetan, hizkuntza aniztasuna bermatzeko erronka unibertsalari jolasaren bidez helduko diogu euskararen lurraldean.

AZALPENA
Ekoguneak euskaraz eta euskararekin dibertitzeko antolatzen duen taldekako lehiaketa da Euskararen Ginkana. 6.edizio honetan ere, Euskaltzaleen Topaguneak egingo ditu koordinazio lanak.

Helburua, herritarren artean hizkuntzekiko sentiberatasuna eta euskararen erabilpena sustatzea da. Ekologiaren begirada hizkuntzetara ekarri eta hizkuntza guztien garapen jasangarrirako hizkuntza praktika ekologikoak proposatuz.

Bi fasetan burutzen den lehiaketa da Euskararen Ginkana. Lehen fasean, internet bidezko 5 proba erantzun beharko dituzte taldeek. Horietan puntuaziorik altuena eskuratzen duten lau taldeak pasako dira bigarren fasera, Donostiako Tabakaleran ospatuko den finalera hain zuzen ere. Bertan proposatzen diren probetan puntu gehien biltzen dituen taldea izango da 6.edizio honen irabazlea.

Parte hartu!

6. Euskararen Ginkanan izena emateko epea 2018ko abenduaren 10etik 2019ko urtarrilaren 23ra egongo da zabalik. Parte hartzeko 4-6 laguneko taldea osatzea besterik ez duzue egin behar. hasi beraz, taldea osatzen. Azpian dagoen PARTE HARTU botoian sakatu izen-ematea gauzatu ahal izateko.

Zorterik handiena Ginkanakideak!


Parte hartu euskararen Ginkanan!