Antsoaingo Euskara Zerbitzuaren Kultur Zikloa. Maitzaren 5etik 15era.
Orain dela 25 urte, 1991. urtearen bukaeran, Antsoaingo Udalaren
Euskara Zerbitzua sortu zen. Urte hauetan guztietan, gure herriak eta
inguruak bilakaera handia ezagutu du itxurari, garapenari eta
populazioari dagokienez. Zalantzarik gabe, biztanle kopurua
handitzearekin batera, bertan bizi diren euskaldunen kopuruak ere gora
egin du; eta hori, besteak beste, zerbitzu hau eratu zutenen ahaleginari
esker gertatu da, eta gure herriaren mesederako denbora eta ahalegina
emanez euskararen ondoan egon direnei esker ere bai.
