by Mintzakide Egitasmoa | Eka 1, 2015 | Sailkatu gabea
Maiatzaren 31tik aurrera ekimen ugari izanen ditugu Zendean eta Ekainaren 6an Euskararen Eguna Berriobeitin.
“EUSKARAZ BIZI-KLETA” MARTXA
Eguna: maiatzak 31 (igandea) I Ordua: 11:00
Irteera: Berriobeitiko Pilotalekutik
“Hamaiketakoa” Oteitzan
IPUlN KONTALARIA
Zoila Berastegiren eskutik
Eguna: ekainak 3 (asteazkena) I Ordua: 18:00
Tokia: Berriogoitiko Kontzeju Etxea
l’NOLAKOA lEN BERRIOBEITIKO EUSKARA?”
Hitzaldia Gorka Lekarozekin
Eguna: ekainak 4 (osteguna) I Ordua: 19:30
Tokia: Aitzoaingo Kontzeju Etxea
EUSKARA PLAZARA
Guraso eta haurrentzako jolasak plazan
Eguna: ekainak 5 (ostirala) I Ordua: 17:30-19:00
Tokia: Artika Berriko plazan
ARGAZKIERAKUSKETA
2014ko Euskararen Jaian egindako argazkiak
bidali, aurtengo erakusketa egiteko
Epea: Ekainaren 2ra arte
Bidali hona: euskara@berrioplano.es
ANTOLATZAILEAK:
Berriobeitiko Udala eta Zendeako herritarrak
LAGUNTZAILEA:Berriobeitiko Kontzejua
by Mintzakide Egitasmoa | Eka 1, 2015 | Sailkatu gabea
PRENTSA-OHARRA
VII. EUSKARAREN JAIA – Berriobeitiko Zendea
VII. Euskararen Jaia antolatu dugu Berriobeitiko Zendean. Aurten, Euskararen Eguna, berez, Berriobeiti
herrian ospatuko da.
Jatorria: 2009. urtean ospatu zen lehenengo aldiz eta, ondoren urtez urte egin da Berriobeitiko Zendeako
herri ezberdinetan.
Helburuak: Zendean euskararen erabilera sustatzea eta herritar euskaltzale berriek eta zaharrek elkar
ezagutzea dugu helburu, eta guztia testuinguru ludiko batean. Horrekin batera, gure bazterrak eta historia
ezagutzera eman nahi ditugu, eta aldi berean, gure herrietan euskarak utzi duen ondarea aintzatetsi, mendeetan
zehar hizkuntza erabiliena izan baita, eta gaur egun ere bizirik baitago gure artean.
Egitura: ekitaldi nagusia Euskararen Eguna da, baina horretaz gain beste hainbat ekimen antolatu dira
aurreko aste honetan, Zendeako herri ezberdinetan.
Antolaketa: Euskararen Jaia antolatzeko herritarren Batzorde Irekirako deia egiten da eta herritar guztiak
gonbidatuta daude. Azpimarratzekoa da, Euskara Zerbitzuaren koordinazioarekin, 30 auzokideen inguruko
talde bat dagoela lanean eta beste herritar zenbaitzuk ere bere laguntza eskaini dutela.
by Mintzakide Egitasmoa | Api 24, 2015 | Sailkatu gabea
“Euskararen paparazziak” argazki-lehiaketan parte hartzeko azken egunak, 800€ saritan!
Bigarren “Euskararen paparazziak” argazki-lehiaketa Iruñerriko saltokietan
Iaz aurreikuspen guztiak gainditu ostean, aurten ere “Euskararen
paparazziak” argazki-lehiaketa antolatzea erabaki dugu “Euskara
Merkataritzara” planean parte hartzen dugun udalek (Antsoain, Aranguren,
Atarrabia, Berriobeiti, Berriozar, Burlata, Gares, Oltza Zendea, Uharte
eta Zizur Nagusia) eta Iruñeko Karrikiri Euskaldunen Elkarteak.
Lehiaketaren helburua saltokietan euskararen erabilera handitzeko
eman diren urratsak bezeroei eta herritarrei ikusaraztea da eta,
horretarako, arreta erakartzeko, argazki-lehiaketa antolatzea erabaki
dugu aurten ere.
Lehiaketan parte hartzeko bidea oso sinplea da: Iruñerriko eta
Gareseko saltokietan ikusgai eta euskaraz dauden errotuluei, kartelei
edo bestelakoei argazkiak atera eta “WhatsApp” edo “Telegram”
aplikazioen bidez 605 75 40 17 zenbakira bidali behar dira. Euskara eta
merkataritza hobekien uztartzen dituen argazkiaren bidaltzaileak 500
euroko txartela jasoko du planean parte hartzen duten saltokietan
gastatzeko. Horrez gain, parte-hartzaileen artean 100 euroko hiru
txartel zozketatuko dira. Argazkiak apirilaren 6tik 26ra bitartean
bidali ahalko dira, bi egun horiek barne.
“Euskara Merkataritzara” planak Iruñerriko eta Gareseko saltokietan
euskararen erabilera areagotzea du helburu. Plana 1994. urtean jarri zen
martxan, Burlatan, eta arian-arian herri gehiago joan ziren gehitzen;
gaur egun, 10 herritako 255 saltoki baino gehiago ari dira euskararen
erabilera areagotzeko urratsak ematen: tabernak, landa-etxeak,
arropa-dendak, ile-apaindegiak, hotelak, diseinu tailerrak, botikak,
ardotegiak… Horiei guztiei, doako itzulpen zerbitzua, euskara ikasteko
edo errotuluetan euskara erabiltzeagatik diru-laguntzak, eta abar
eskaintzen diegu aipatutako udaletako euskara zerbitzuetatik. Aipatutako
lehiaketa plan horren baitan abian jarri den ekintza bat gehiago da.
Lehiaketaren oinarriak blog honetan bertan, goiko menuan, kontsultatu daitezke.
