Bertso Jaialdia Berriozarren

by Mintzakide Egitasmoa | Abu 16, 2018 | BABESLEAK, BERRIOZAR, Buletinak, OSAGARRIAK, Sailkatu gabea, SAIO OSAGARRIAK

Abuztuaren 22an, asteazkena, honako bertsolari hauek etorriko dira Berriozarrera, 20:00etan Euskal Herria plazan hasiko den saioan abestera:

• Maialen Lujanbio. 15 urterekin ekin zion plazaz plazako ibiliari. 2017ko txapela irabazita, Euskal Herriko egungo bertsolari txapelduna da Lujanbio, 2009an egin moduan; txapeldunorde izan zen 2013an eta 2001ean. 1997tik beti sailkatu da Bertsolari Txapelketa Nagusiko finalerako.
• Aimar Karrika. Zuberoa, Nafarroa Beherea eta Lapurdiko “Bertsolarien Lagunak” bertso elkartearentzat lan egiten du irakasle gisa. Nafarroako Bertsolari Txapelketaren azken hiru edizioetan finalera iritsi da. 2017. urtean lehen aldiz parte hartu zuen Euskal Herriko txapelketa nagusian.
• Alaia Martin. 12 urterekin hasi zen bertsotan. Gipuzkoako txapelketaren finalean hirugarren izan zen 2011n eta bigarren 2015ean. 2013ko eta 2017ko Bertsolari Txapelketa Nagusietako finalaurrekoetan abestu zuen.
• Saioa Alkaiza. Iruñeko bertsolariak eskolarteko txapelketetan eta hainbat gazte sariketatan parte hartu du. 2009an egin zuen debuta Nafarroako Bertsolari Txapelketan. Plaza librea du gogokoen.

(bertsozale.eus gunetik hartutako informazioa)

Gai jartzailea: Amaia Agirre

Berriozarko Udalak Nafarroako Bertsozale Elkartearen laguntzaz antolatutako saioa.