Ez ahaztu hitzordua: Abenduaren 21ean arratsaldeko 19:00etatik aurrera, Zaldiko Maldiko Elkartean, Ansoleaga kalean.
Giro aparta izango dugu,lagun artean ospatzeko. Txistorra, musika, lagun giroa, abestiak …. Aukera paregabea
beste mintzakide taldeak ezagutzeko eta euskara praktikatzeko. Ezinbestekoa dugu dena-dena prestatzeko aldez aurretik jakitea zenbat lagun gutxi gora behera parte hartuko duzuen, elkartea prestatzeko, erosketak egiteko, e.a., horretarako izen-emate epea jada irekia dago. Bidali mezutxo bat bai epostaz, mugikorretik edo Whatsapp-en bidez (664496509) edo bete hurrengo fitxatxoa zure Mintzakide taldekideak edo zure lagun taldetik zenbat etorriko zarete esanez.
Abenduaren 21ean, urtero bezala, Santo Tomas ospatuko dugu Zaldiko Maldiko elkartean.Zatoz gurekin ospatzera!
Eta ostean…….
Guateke ukronikoa. Ion Celestinoren eskutik.
Ion Celestino
Ionek 1960.1970 hamarkadetan musika popa gailendu balitz, euskal festa bat nolakoa litekeen entzutera, dantzatzera eta sortzera gonbidatuko gaitu.
ANIMATU!!!
Iaz esaldi
horrekin Iosu izeneko euskara ikasleak sari nagusia eskuratu zuen:
Zugarramurdiko Graxiana Aterpetxean gaua+gosaria+museorako sarrerak (bi
lagunentzat).
Aurten ere
sariketa bera antolatu dugu, eta Zugarramurdiko egonaldia ere irabazlearen
zain. Bertan parte hartzeko euskara ikasle bezala izan duzun esperientzia
esaldi bakar batean idatzi behar da.. Kontakizunik ederrenarentzat sari nagusia
izanen da, eta irailaren 23an jakinaraziko da, bestan bertan.
Irailaren
23rako euskara ikasleen besta prestatzen ari gara. Bertan, besteak beste,
musika emanaldia, bakarrizketa, mintzodromoa…izanen ditugu. Laster besta
beraren egitarau osoa aurkeztuko dugu.
Sariketan parte hartzera animatuz gero, bidali zure
bizipena euskaraikasleenbesta@gmail.com
helbidera, eta zure inguruko
euskara ikasleak ere anima itzazu. Eskerrik asko)
Helbide berean izena eman dekazezue
·
Bestaren
atarian, hilaren 21ean, euskara ikasleentzat antolatuko dugun “Hitzajolas”
diktaketa-sariketan
·
Irailaren
23an, arratsaldeko 7etan izanen den mintzodromoan
[ms_heading style=”border” color=”#dd3333″ border_color=”” text_align=”center” font_weight=”400″ font_size=”36px” margin_top=”0″ margin_bottom=”0″ border_width=”5px” class=”” id=””]ZUREKIN HITZ EGIN NAHI DUT[/ms_heading]
[ms_image_frame src=”https://mintzakide.eus/wp-content/uploads/2015/09/txikia5.png” link=”http://goo.gl/forms/qEO3tchDxf” link_target=”_blank” class=”” id=””] Zer da mintzakide?
Euskaraz hitz egiteko ohitura dutenak eta mintzapraktika egin nahi duten pertsonak
biltzeko programa da.
Zertarako?
Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko…
Nola?
Astean behin: ordubetez, talde txikietan. Paseoan, kafetegian, parkean… Euskaraz hitz egiteko ohitura dutenak eta mintzapraktika egin nahi dutenak elkartuta, beste mintza-taldeekin koordinatuta.
Ekintza osagarriak: herriko gainontzeko mintzakide taldeekin irteerak, afariak, kirol ekintzak, Mintza Eguna…
Parte hartzeko baldintza
Euskaraz komunikatzeko gutxieneko maila izan behar da.
…eta gurasolaguna?
Ikastetxeko gurasoak beste gurasoekin biltzen dituen mintzakidearen aldaera da. Haurrak direla eta, euren ordutegi edo zaintza beharretara egokituta dago.
Epea:Irailaren 16tik urriaren 19ra
Modua:Mintzapraktika behar dutenen kasuan 15 euroko kuota ordaindu behar da. Kuota 3035 0139 7513 9002 4599 kontu korrontean ordaindu behar da urriaren 26a baino
lehen, parte hartzailearen izen abizenak adieraziz kontzeptuan. Ordainagiria MINTZAKIDE bulegora edo hurrengo lekuetara eraman edo bidali behar da, eta MINTZAKIDE TXARTELA eskuratuko duzu.
Lekua:
Agoitz: Udaleko Euskara Zerbitzua
Antsoain: Antsoaingo Euskara Zerbitzua
Aranguren: Udaleko Euskara Zerbitzua
Atarrabia: Karrikaluze elkartea
Berriobeiti: Udaleko Euskara Zerbitzua
Berriozar: Udaleko Euskara Zerbitzua
Burlata: Zaldualde Euskaltegia
Eguesibar: Sarrigurengo Udala
Iruñea: Karrikiri elkartea, Arturo Campion, Iruñezar eta
Irrintzi euskaltegiak eta Iruñeko Hizkuntza eskola ofiziala.
Uharte: Zubiarte euskaltegia
Xulapain: Markalaingo Udala
Zizur Nagusia: Udaleko Euskara Zerbitzua
Aldaketez eta proiektu berriez betetako ikasturtea izango da. Besteak beste Mintzakide txartela, Mintzakide webgune berria sare sozialarekin,…..; eta guztioi ahalegin handiagoa egitea eskatuko digu.
[ms_image_frame src=”https://mintzakide.eus/wp-content/uploads/2015/09/txikia5.png” link=”http://goo.gl/forms/qEO3tchDxf” link_target=”_blank” class=”” id=””] sakatu irudian izena emateko!
Pasa den larunbatean, maiatzaren 30ean, Euskal Herriko Mintza Eguna izan genuen Beran. Herriko solaslagunek egun pasa ederra eskaini ziguten, hamaiketako, ibilbide gidatu, dantzaldi eta guzti. Argazkiekin gozatzeko unea da ?
Berara heldu berri, ongi etorria eta hamaiketakoa izan genituen. Bertsolariak, txapalartariak, herriko umeek mintzalagunei egindako marrazkiak… jatekoa Berako solaslagunek eurek prestatu zuten!
Ostean, bi ibilbide izan genituen, aukeran, herria ezagutzeko. Batetik, goi kotetara abiatu zirenek gaztetxea eta gazta zein sagardoa egiten dituzten baserriak ezagutu zituzten; eta bestetik, Beran mugitu zirenek Barojatarren etxea eta herriko txokoak ezagutu zituzten, herritarren eskutik.
Trikitixa doinuan eztarria busti eta Herriko Etxeko plazara gerturatu ginen, bazkaltzera. Bidazi elkarteak bertako edariak eta postreak eskaini zizkigun.
Bazkalostean, mintzalagun egitasmoetan ahalegin berezia egin duten talde batzuei eskerrak emateko ekitaldia izan zen. Hiru taldek jaso zuten aitorpena: Kontxa Laspiur (Eibar) eta Jokin Sarasola (Donostia) beteranoek, Bortzirietako solaslagunek eta Iruñerriko Mintzakide egitasmoak. Azken honek hamar urte bete ditu, eta baliabide gutxi izan arren, 700 mintzakide elkartzen dira astero euskaraz aritzeko. Eskualdeko produktuz osatutako saskiak jaso zituzten hiru taldeek.
Eta jaiari amaiera emateko, Oharkabe taldearekin dantzaldia izan genuen.
Mintza Egunaren antolaketan Berako Solaslagunak eta Euskaltzaleen Topagunea aritu gara, bertako kultur eragileen laguntzarekin, eta Berako Udalaren eta Eusko Jaurlaritzaren babesarekin.
